மொபைல் போனை கண்டுபிடிக்க 5 வழிகள் !
-
Monday, September 04, 2017
No Comments
மொபைல் போனை தொலைத்து விட்டு,(Lost Mobile) அதை காணாமல் தேடுவது என்பது இப்பொழுது எல்லோருக்கும் ஒரு வேலையாகவே போய்விட்டது. ஞாபக மறதியாக வைத்துவிட்டு தேடுவது, அல்லது வேறு யாராவது அதை எடுத்துக்கொள்வது போன்ற காரணங்களால் செல்போன் (CellPhone) பயன்படுத்த முடியாமல் தவிப்பவர்கள் உண்டு.
சரி. காணாமல் போன அல்லது தொலைந்துபோன மொபைல் போனை எப்படி கண்டுபிடிப்பது?
இருக்கிறது 5 வழிகள். இவற்றை பின்பற்றினால் கண்டிப்பாக காணாமல் போன மொபைல் போனை கண்டுபிடித்துவிடலாம். குறைந்த பட்சம் அந்த போனை மற்றவர்கள் பயன்படுத்த முடியாதவாறு "லாக்" செய்துவிட முடியும்.
1. ஆன்ட்ராய்ட் போன்கள் பொறுத்தவரை அதனுடைய அனைத்து தகவல்களையும் அணுகும் மையம் Google Device Manager தான். உங்களுடைய ஆன்ட்ராய்ட் போனின் டிவைஸ் அட்மினிஸ்ட்ரேட்டராக "கூகிள் டிவைஸ் மேனேஜர்" இருந்தால், பிரௌசர் மூலம் போனை கட்டுப்படுத்த முடியும்.
எப்படி கட்டுப்படுத்துவது? அதற்கு என்னென்ன செட்டிங்ஸ் செய்வது?
- உங்கள் ஆன்ட்ராய்ட் போனில் Settings ==> Security என்ற ஆப்சனை தேர்வு செய்யுங்கள்.
- அதில் Device Administrators என்ற ஆப்சனின் கீழ் Android Device Manager என்பதை தேர்வு செய்யுங்கள்.
இந்த அமைப்பை ஏற்படுத்துவதன் மூலம், மொபைல் உங்கள் கையில் இல்லாத பொழுது பிரௌசர் வழியாக
- மொபைல் லாக் செய்யலாம்
- மொபைலில் உள்ள தகவல்களை அழிக்கலாம்
- மொபைல் ஸ்கிரீன்லாக் பாஸ்வேர்டை மாற்றலாம்.
மூன்றாவது நபர் யாரிடமாவது உங்கள் மொபைல் சிக்கிக்கொண்டால், மேற்சொன்ன வழிமுறைகளைப் பின்பற்றி மொபைலை அவர் பயன்படுத்த முடியாமல் செய்திட முடியும்.
2. உங்களுக்கு பழக்கமான இடங்களில் , (உ.ம். அலுவலகம், வீடு, நண்பர்களின் வீடு) மொபைலை வைத்துவிட்டு காணாமல் தேடும்பொழுது இந்த உத்தி பயன்படும். சாதாரணமாக மொபைலை வைத்துவிட்ட, தேட மிஸ்டுகால் கொடுத்து தேடுவார்கள். போன் "Silent Mode" ல் இருந்தால், கண்டுபிடிப்பது கஷ்டம். அதற்குதான் இந்த ட்ரிக் பயன்படும்.
அது என்ன ட்ரிக்? எப்படி பயன்படுத்துவது?
ஆன்ட்ராய்ட் டிவைஸ் மேனேஜர் வழியாக, மொபைல் போன் சைலன்ட் மோடில் (Silent Mode) இருந்தாலும், அதை ரிங்டோன் ஒலிக்குமாறு செய்து கண்டுபிடித்துவிடலாம். அதற்கும் ஒரு தந்திரம் உண்டு.
- உங்கள் கம்ப்யூட்டரில் உள்ள கூகிள் குரோம் பிரசரில் இந்த முகவரியில் செல்ல வேண்டும்.
- https://www.google.com/android/devicemanager
- அல்லது கூகிள் சர்ச் பாக்சில் Find Your Phone என கொடுத்து, பிறகு அந்த முகவரிக்கு செல்ல முடியும்.
- அதன் பிறகு உங்கள் ஆன்ட்ராய்ட் போன் இணைக்கப்பட்ட மெயில் முகவரியை கொடுத்து லாகின் செய்ய வேண்டும்.
- லாகின் செய்து முடித்தவுடன் உங்களுக்கு இதுபோல ஒரு பக்கம் தோன்றும்.
- அதில் Ring என்பதை அழுத்தினால், உங்கள் மொபைல் போனில் Default ஆக உள்ள Ring Tone ஒலிக்கும்.
அப்போது மொபைல் வைத்திருக்கும் இடத்தின் எளிதாக கண்டுபிடித்துவிடலாம். இது ஒரு மிகச்சிறந்த \ அருமையான வசதி..!
3. ஆன்ட்ராய்டு போன் தொலைந்து போய்விட்டது. அல்லது வேறு யாரோ திருடிவிட்டார்கள். அது எந்த இடத்தில் உள்ளது என்பதை எப்படி கண்டுபிடிப்பது?
மேற்குறிப்பிட்ட முறையில் கம்ப்யூட்டரில் பிரௌசர் வழியாக டிவைஸ் மேனேஜரை அணுக்க வேண்டும். அதற்கு முன்பு நீங்கள் ஆன்ட்ராய்ட் போனில் இதை கட்டாயம் செய்திருக்க வேண்டும்.
- அதாவது போனில் GPS வசதி ஆன் செய்திருக்க வேண்டும்.
- இப்பொழுது டிவைஸ் மேனேஜரை இயக்க வேண்டும்.
- அதில் Locate Device என்ற பட்டனை அழுத்த வேண்டும்.
அவ்வளவுதான். உங்களுடைய மொபைல் இப்பொழுது எங்கு உள்ளது. எந்தெந்த இடத்தில் பயன்படுத்தப்பட்டது என்பதை தெரிந்துகொள்ள முடியும்.
மொபைல் எங்கெல்லாம் பயன்படுத்தபட்டது என்பதை தெரிந்துகொள்ள "Location History" வசதி உதவும்.
4. மொபைல் தொலைந்துவிட்டது. அது நமக்கு கிடைக்காது என்பது உறுதியாகிவிட்டது. அப்படியானால், கண்டிப்பாக அதில் உள்ள டேட்டாக்களை வேற யாரும்தவறாக பயன்படுத்த கூடாது இல்லையா? அதனால் அந்த டேட்டாக்களை அழிப்பது நல்லது. அந்த காரியத்தையும் இந்த டிவைஸ் மேனேஜர் வழியாக செய்து முடித்துவிடலாம்.
எப்படி மொபைல் டேட்டாவை அழிப்பது?
- மொபைல் போனில் டேட்டா ஆன் செய்யப்பட்டிருக்க வேண்டும். (கட்டாயம்)
- டிவைஸ் மேனேஜர் - லாகின் செய்து - Erase கொடுத்தால் போடும்.
- மொபைலில் உள்ள அனைத்து டேட்டாக்களும் "ஸ்வாகா" ஆகிவிடும். (Delete ஆகிவிடும்.) இதைத்தான் துன்பத்திலும் இன்பம்னு நம்ம சொல்லிக்கிறது. :)
மொபைல் லாக் செய்வது எப்படி?
தொலைந்தபோன மொபைலை யாருமே பயன்படுத்தக்கூடாது என்று நினைத்தால் அதை அப்படியே லாக் செய்துவிட முடியும். அதற்கும் டிவைஸ் மேனேஜரில் வழி உண்டு.
எப்படி லாக் செய்வது?
- டிவைஸ் மேனேஜரில் லாகின் செய்ய வேண்டும்.
- லாக் (Lock) ஆப்சனை கிளிக் செய்ய வேண்டும்.
- திரை தோன்றும். அதில் புதிய பாஸ்வேர்ட் கொடுக்க வேண்டும்.
- பிறகு ஆல்டர்நேட் தொடர்பு எண் (வேறு மொபைல் நம்பர்) கொடுக்க வேண்டும்.
அவ்வளவுதான். திருடியவன் உங்களை போனை பயன்படுத்தனும்னா, அதை உடைச்சா கூட முடியாது. அதையும் மீறி பயன்படுத்த நினைச்சா, ஸ்கிரீனில் ஒரு திரை வரும். அதில் உள்ள கால் பட்டனை அழுத்தினால், நீங்கள் கொடுத்த ஆல்டர்நெட் மொபைல் எண்ணுக்கு கால் வரும். அப்புறமென்ன. திருடியவனின் காது ஜவ்வு கிழியும் திட்டி, தீர்த்து, எங்கே இருந்தாலும் அந்த மொபைல் போனை கண்டுபிடிச்சி கொண்டு வந்திடலாம்.
5. இந்த வசதிகள் எல்லாம் செயல்படனும்னா கண்டிப்பாக உங்க மொபைல் போன்ல இன்டர்நெட் வசதி செயல்படுத்தப் பட்டிருக்கணும். ஒருவேளை இன்டர்நெட் வசதி இல்லேன்ன, போலிசுக்கு தான் கம்ப்ளைண்ட் பண்ணனும்.
அது எப்படின்னா? உங்களோட பெயர், முகவரி, போன் மாடல், தயாரித்த நிறுவனப் பெயர், கடைசியா போன் செய்த நம்பர், அப்புறம் உங்களோட கான்ட்டாக் இமெயில், தொலைந்து போன தேதி, நாள் இடம், போனின் IMEI நம்பர் இப்படி பல இத்தியாதிகளோட cop@vsnl.net என்ற முகவரிக்கு அனுப்பனும். நம்மூரு போலிஸ் GPRS, இன்டர்நெட் னு கலக்கிட்டு இருக்காங்க. கட்டாயம் அவங்க உங்களோட போனை கண்டுபிடிச்சிக் கொடுத்துடுவாங்க.
கண்டிப்பா இது உங்களுக்கு மட்டுமில்ல.. எல்லோருக்கும் "யூஸ்புல்"லா இருக்கும். அப்புறம் என்ன? Facebook, Twitter ல ஷேர் பண்ணறதுதானே அடுத்த வேலை. செய்வீங்களா?
கண்டிப்பா இது உங்களுக்கு மட்டுமில்ல.. எல்லோருக்கும் "யூஸ்புல்"லா இருக்கும். அப்புறம் என்ன? Facebook, Twitter ல ஷேர் பண்ணறதுதானே அடுத்த வேலை. செய்வீங்களா?
Footer Ads