Latest Posts

கம்ப்யூட்டர் மௌஸ் - இப்படி கூட பயன்படுத்தலாம் !

- Wednesday, December 05, 2018 No Comments
கம்ப்யூட்டர் மௌசை சாதாரணமாக ஒரு புரோகிராமை திறக்க, மூட, டெக்ஸ்ட்டை செலக்ட் செய்ய, காப்பி-பேஸ்ட் செய்ய, லிங்க் ஒன்றை திறக்க என பொதுவாக சில பயன்பாடுகளுக்கு மட்டுமே பயன்படுத்துவது நமக்குத் தெரியும்.

ஆனால் மௌசைப் பயன்படுத்தி பலவிதமான வேலைகளை மிக சுலபமாக செய்யலாம். மறைந்திருக்கும் அந்த வசதிகள் என்னென்ன என பார்ப்போமா?

ஷிப்ட் கீ பயன்படுத்தி டெக்ஸ்ட் தேர்வு

வேர்டில் டாகுமெண்ட் பயன்படுத்துகையில், அல்லது பைல் பெயர் டெக்ஸ்ட் தேர்ந்தெடுக்கையில், மவுஸைப் பயன்படுத்தலாம். மவுஸின் இடது பட்டனை அழுத்தி இழுத்தாலே, டெக்ஸ்ட் தேர்ந்தெடுக்கப்படும். சில வேளைகளில் குறிப்பிட்ட ஒரு கேரக்டரை மட்டும் தேர்ந்தெடுக்க வேண்டியதிருக்கும். அது போன்ற வேளைகளில், ஷிப்ட் கீ அழுத்தி மவுஸினை முன்பு போல, இடது பட்டன் மூலம் இழுப்பது, தேர்ந்தெடுப்பதில் நமக்கு உதவியாய் இருக்கும்.

கண்ட்ரோல் கீ அழுத்தி டெக்ஸ்ட் தேர்வு

இது பொதுவாகப் பலரால் பயன்படுத்தப்படுவது இல்லை. டாகுமெண்ட் ஒன்றில், பல இடங்களில் உள்ள டெக்ஸ்ட்டினைத் தேர்ந்தெடுக்க, இதனைப் பயன்படுத்தலாம். இடைவெளி விட்டு அமைந்துள்ள டெக்ஸ்ட்டினைத் தேர்ந்தெடுக்க இது உதவும். முதலில் தேர்ந்தெடுக்க வேண்டிய டெக்ஸ்ட்டை, கண்ட்ரோல் கீ அழுத்தி, மவுஸின் இடது பட்டனை அழுத்தி இழுக்கவும்.

தேர்ந்தெடுக்க வேண்டிய அளவு, தேர்ந்தெடுத்த பின்னர், கண்ட்ரோல் கீயை அழுத்தியவாறு, அடுத்த பகுதி டெக்ஸ்ட்டினைத் தேர்ந்தெடுக்கவும். கண்ட்ரோல் கீ அழுத்தப்பட்டிருப்பதை விட்டுவிட்டால், முதலில் தேர்ந்தெடுத்தது விடுபட்டுப் போகும். எனவே, அடுத்தடுத்து டெக்ஸ்ட்டைத் தேர்ந்தெடுக்கும் முன், கண்ட்ரோல் கீயை அழுத்தி இழுப்பது நல்லது.

இப்படியே இடைவெளி விட்டு எத்தனை தொகுதி டெக்ஸ்ட்டை வேண்டுமானாலும் தேர்ந்தெடுக்கலாம். ஆனால், கண்ட்ரோல் கீயைப் பயன்படுத்துவதை விட்டுவிட்டால், நீங்கள் முதலில் இருந்து தேர்ந்தெடுத்து ரத்தாகும். மீண்டும் முதலில் இருந்து தொடங்க வேண்டியதிருக்கும்.

11 uses of mouse

நெட்டு வாக்கில் டெக்ஸ்ட் தேர்வு

தொடர்ந்தும், இடைவெளி விட்டும் டெக்ஸ்ட் தேர்ந்தெடுப்பதில், மவுஸ் எப்படி உதவுகிறது எனப் பார்த்தோம். சில வேளைகளில் நெட்டுவாக்கில் உள்ள டெக்ஸ்ட்டைத் தேர்ந்தெடுக்க வேண்டியதிருக்கும். இதற்கு ஆல்ட் [ALT] கீயுடன் மவுஸைப் பயன்படுத்த வேண்டும்.

தேர்ந்தெடுக்க வேண்டிய டெக்ஸ்ட்டின் பகுதித் தொடக்கத்தில் மவுஸின் கர்சரைக் கொண்டு சென்று வைக்கவும். பின்னர், ஆல்ட் கீயினை அழுத்திக் கொண்டு, நெட்டுவாக்கில் மவுஸின் கர்சரை, அதன் இடது பட்டனை அழுத்திக் கொண்டு இழுத்தால், டெக்ஸ்ட் தேர்ந்தெடுக்கப்படும். டெக்ஸ்ட் தேர்ந்தெடுக்கப்பட்டவுடன், ஆல்ட் கீயினை விட்டுவிடலாம்.

டெக்ஸ்ட் தேர்ந்தெடுக்கப்பட்ட நிலையில் இருக்கும். இதனை வழக்கம்போல தேர்ந்தெடுக்கப்பட்ட டெக்ஸ்ட்டினை என்னவெல்லாம் செய்திடுவோமோ, அந்த செயல்பாடுகளை மேற்கொள்ளலாம்.

இதனை காப்பி செய்து, வேறொரு இடத்தில் ஒட்டலாம். அல்லது அதனை அழிக்கலாம். மீண்டும் பெறலாம். நெட்டுவாக்கில் டெக்ஸ்ட் தேர்ந்தெடுக்க இது மட்டுமே நமக்கு உதவுகிறது. ஆனால், இது ஆன்லைன் பக்கங்களில் செயல்படாது. வேர்ட் புரோகிராமில் உருவாக்கப்படும் டாகுமெண்ட்களில் மட்டுமே செயல்படும்.

திரையைப் பெரிதாக்கி சுருக்குதல்

வயதானவர்கள் மற்றும் கண் பார்வைத் திறன் குறைந்தவர்களுக்கு, இந்த வசதி மிகவும் பயனுள்ளதாக இருக்கும். வேர்ட் டாகுமெண்ட் தயாரிப்பில், எழுத்துக்களைப் பெரிதாக்கிப் பார்க்க எண்ணுபவர்களுக்கு இந்த டூல் வசதியாக இருக்கும்.

முழுத் திரையில் உள்ள டெக்ஸ்ட்டைப் பெரிதாக்கிப் பார்க்க எண்ணுபவர்கள், [CTRL] கீயை அழுத்திக் கொண்டு, மவுஸின் ஸ்குரோல் வீலை உருட்டினால் போதும். மேல் கீழாக உருட்டிச் செல்கையில், பக்கம் பெரிதாவதையும், சிறியதாக மாறுவதையும் பார்க்கலாம்.

விண்டோ இயக்கம்

விண்டோ ஒன்றினை பெரிது படுத்துவதற்கும், மூடுவதற்கும் மவுஸ் பயன்படுத்தலாம். விண்டோ ஒன்றினை மூட வேண்டும் என நினைத்தால், விண்டோவில் இடது மேல் மூலையில் உள்ள விண்டோஸ் லோகோவில் இரு முறை கிளிக் செய்தால் போதும்.

விண்டோவினை பெரிதாக்கவும் அல்லது மீண்டும் பழைய படி அமைக்கவும், டைட்டில் பாரில், இருமுறை கிளிக் செய்தால் போதும்.

லிங்க் தளம் திறக்க

இணைய தளங்களில், டாகுமெண்ட்களில், இணைய தளத்திற்கான லிங்க் தரப்பட்டிருக்கும். லிங்க் காட்டும் தளத்தினை விண்டோவில் புதிய டேப்பில் திறக்க, கண்ட்ரோல் கீயை அழுத்திக் கொண்டு, லிங்க்கில் கிளிக் செய்தால் போதும்.

இணைய தளமானது புதிய டேப்பில் திறக்கப்படும். இருப்பினும், லிங்க்கில் ரைட் கிளிக் செய்தால், அந்த தளம் திறக்கப்படுவது குறித்து நமக்கு கூடுதல் ஆப்ஷன்கள் கிடைக்கும். புதிய விண்டோ, புதிய டேப், தடம் அறியா வகை (Incognito Window/private Window) என மூன்று வகைகளில் திறக்கக் கூடிய ஆப்ஷன்கள் காட்டப்படும்.

நாம் நமக்கு விருப்பமான ஒன்றைத் தேர்ந்தெடுத்துப் பெறலாம். மவுஸின் ரைட் கிளிக் சரியாகச் செயல்படாத போது, இந்த செயல்பாடு நமக்கு அதிகம் உதவும்.

கூடுதல் வழிகளுடன் மெனு

மவுஸில் ரைட் கிளிக் செய்தால், காண்டெக்ஸ்ட் மெனு கிடைக்கும் என்பதனை நாம் அனைவரும் அறிவோம். இந்த மெனுவில், கூடுதலாகச் சில விருப்பத் தேர்வுகள் பெற, மவுஸ் உதவுகிறது.

காண்டெக்ஸ்ட் மெனுவிற்கென, ரைட் கிளிக் செய்திடும் முன், ஷிப்ட் கீயினை அழுத்திப் பிடித்தால், நமக்குக் கூடுதல் விருப்பத் தேர்வு வழிகள் அடங்கிய மெனு கிடைக்கும்.

ஒரே நேரத்தில் பல லிங்க்குகள்

பல வேளைகளில், ஒரே நேரத்தில் பல லிங்க்குகளில் உள்ள இணைய தளங்களைத் திறக்க வேண்டியதிருக்கும். இதற்கு, கண்ட்ரோல் கீயை அழுத்திக் கொண்டு அனைத்து லிங்க்குகளிலும் கிளிக் செய்திட வேண்டும். அனைத்தும் புதிய டேப் ஒன்றில் திறக்கப்படும்.

விண்டோ தானாக ஸ்குரோல் செய்திட

இணையத்தில் உலா வருகையில், சில தளங்கள் நீளமான பட்டியலைக் கொண்டிருக்கும்; அல்லது அதிக பக்கங்களைக் கொண்டிருக்கும். இதற்காக, நாம் மவுஸை ஸ்குரோலிங் பாரில் தொடர்ந்து அழுத்திக் கொண்டிருக்க வேண்டும்.

இது தேவையற்ற ஒன்றாகும். இதற்குப் பதிலாக auto scroll டூல் பயன்படுத்தலாம். மவுஸ் கர்சரை டெக்ஸ்ட் உள்ள இடத்தில் வைத்துவிட்டு, மவுஸில் உள்ள ஸ்குரோல் வீலை தொடர்ந்து அழுத்திப் பிடிக்கவும். மேலாகவும், கீழாகவும் அம்புக்குறி அடையாளத்துடன் கூடிய கர்சர் ஒன்று கிடைக்கும்.

இப்போது, ஸ்குரோல் வீலில் உள்ள விரலை எடுத்துவிட்டு, மவுஸை மேலாகவோ, கீழாகவோ நகர்த்தினால், டாகுமெண்ட் உள்ள பக்கம் மேலாகவும், கீழாகவும் செல்லும். மேலாகச் செல்கையில், மேல் நோக்கி இருக்கும் அம்புக் குறி காட்டப்படும்.

கீழாகச் செல்கையில், கீழ் நோக்கி இருக்கும் அம்புக் குறி காட்டப்படும். மேல், கீழ் செல்வதனை நிறுத்த, மவுஸின் இடது பட்டனை அழுத்தினால் போதும். தானாக ஸ்குரோல் செய்யப்படுவது நிறுத்தப்படும்.

இழுத்து விடுதல்

வழக்கமாக, காண்டெக்ஸ்ட் மெனு பெற நாம் மவுஸின் ரைட் பட்டனை அழுத்துவோம். அதனை நகர்த்த, காப்பி செய்திட அல்லது டாகுமெண்ட்டின் ஒரு பகுதியை லிங்க் செய்திடவும் பயன்படுத்தலாம்.

நான் காப்பி அல்லது நகர்த்த வேண்டிய டெக்ஸ்ட்டை முதலில் தேர்வு செய்கிறேன். பின்னர், மவுஸை அதில் வைத்து அழுத்தியவாறே, டாகுமெண்ட்டின் எந்தப் பகுதியில் அதனை ஒட்ட வேண்டுமோ, அங்கு இழுத்துச் செல்கிறேன்.

அப்போது மவுஸ் கர்சரை விட்டவுடன், அதில் கிடைக்கும் சிறிய பட்டியலில் Move here, Copy here, Link here, Create hyperlink மற்றும் Cancel ஆகிய ஆப்ஷன்கள் கிடைக்கும்.

இதில் என் விருப்பத்திற்கேற்ற பிரிவைத் தேர்ந்தெடுத்து கிளிக் செய்கிறேன்.

மேலே தரப்பட்டுள்ள பத்து மவுஸ் பயன்பாடு குறிப்புகளுடன் இன்னும் பல வசதிகளைத் தரும் குறிப்புகளை நீங்களாகவே இணையத்திலிருந்து பெற்றுப் பயன்படுத்தலாம்.

இந்த குறிப்புகளிலிருந்து மவுஸ் எந்த அளவிற்குப் பயனுள்ள ஒரு சாதனம் என்பதனை உணரலாம்.

மேலும் இதுபோன்ற பயனுள்ள பதிவுகளை தொடர்ந்து வாசிக்க நமது முகநூல் பக்கத்தை லைக் செய்யுங்கள். 

பிரௌசர் மிக மெதுவாக இயங்குகிறதா? தீர்வு

- Friday, November 16, 2018 No Comments
பிரௌசர் மிக மெதுவாக இயங்குவதற்கு பல காரணங்கள் இருக்கின்றன. அவற்றில் முதன்மையானதாக அதில் தேவையில்லாத டூல்பார்கள் இன்ஸ்டால் வைப்பது தான். இந்த டூல்பார்கள் பிரௌசர் தொடங்கிடும் வேகத்தை மட்டுப்படுத்திவிடும்.
slow browser solution
Slow Browser - Solution

மேலும் பிரௌசர் இயங்கும்போது, அதன் வேகத்தை வெகுவாக குறைத்துவிடுகிறது. ஒன்றுக்கும் மேற்பட்ட கம்ப்யூட்டர் செக்யூரிட்டி புரோகிராம்கள் இயங்குவதாலும் கம்ப்யூட்டர் - பிரௌசர் மெதுவாக இயங்கும்.

தீர்வு:


நாமாக சில விஷயங்கள் செய்வதன் மூலம் பிரௌசர்/கம்ப்யூட்டர் வேகத்தை அதிப்படுத்திடலாம். பிரௌசரில் செட்டிங்ஸ் சென்று பிரௌசரில் இன்ஸ்டால் செய்யப்பட்டுள்ள தேவையில்லாத extension களை நீக்குவதன் மூலம் பிரௌசரின் வேகத்தை அதிகரிக்க முடியும்.

History சென்று Clear History கொடுப்பதன் மூலம் பிரௌசரில் தேவையில்லாத Catche கள் நீக்கப்பட்டு, பிரௌசர் வேகம் அதிகரிக்கும்.

மென்பொருட்கள்:

பிரௌசரில் தேவையில்லாத டூல்பார்களை நீக்கிட Norton Power Eraser போன்ற மென்பொருட்கள் பயன்படுத்தலாம்.

சுட்டி: Norton Power Eraser Download

டவுன்லோட் செய்து பயன்படுத்தும் முறை


வழக்கம்போலவே மேலுள்ள சுட்டியை கிளிக் செய்து, டவுன்லோட் செய்து இன்ஸ்டால் செய்துகொள்ளவும். டவுன்லோட் & இன்டாலேசன் முடித்து மென்பொருளை திறந்துகொள்ளவும். அதில் Unwanted Application Scan என்ற ஐகானை கிளிக் செய்து ஸ்கேன் செய்திடவும்.

ஸ்கேன் முடிவில் காட்டும் தேவையில்லாத டூல்களை பார் அல்லது அப்ளிகேஷன்களை அன்-இன்ஸ்டால் செய்துவிடலாம்.

அதற்கு கணினியை ஒரு முறை ரீ-ஸ்டார்ட் செய்து பயன்படுத்துவதன் மூலம் பிரௌசர்/கணினியின் வேகம் கணிசமாக அதிகரிப்பதை உணரலாம்.

நாமாக டூல்பார்களை நீக்கிடும் முறை

மென்பொருள் உதவியின்றி நாமாக டூல்பார்களை/எக்ஸ்டன்சன்களை நீக்கிடலாம். கூகிள் குரோம், ஃபயர்பாக்ஸ், இன்டர்நெட் எக்ஸ்ப்ளோர ர் போன்ற ஒவ்வொரு வலை உலவிற்கும் தனித்தனி வழிமுறைகளைப் பின்பற்றி நீக்க வேண்டும்.

1. Internet Explorer எனில் Tools menu சென்று Manage கிளிக் செய்து Add-ons என்ற வழியில் சென்று தேவைற்ற எக்ஸ்டன்சன்களை நீக்கிடலாம்.

2. Mozilla Firefox எனில்  வலது மேல் மூலையில் உள்ள menu icon கிளிக் செய்து, அங்கு உள்ள Add-ons கிளிக் செய்து . Manager page ல் Extensions தேர்ந்தெடுத்து நீக்கலாம்.

3. நீங்கள் பயன்படுத்துவது Google Chrome எனில் வலது மேல் மூலையில் Customize and control Google Chrome ஐகானில் கிளிக் செய்து, More tools கிளிக் செய்து Extensions சென்று அங்குள்ள தேவையற்ற ஆட்-ஆன் களை நீக்கிடலாம்.

Tags: Tamil browser Tips, Browser slow fix, Solution for slow Browser.

கணினி திறம்பட செயல்பட இதைச் செய்யுங்க !

- Thursday, November 15, 2018 No Comments
கணினி பயன்பாடு என்பது நம் வாழ்க்கையில் தவிர்க்க முடியாத ஒரு அங்கமாகிவிட்டது. எனினும் அதை முறையாக பயன்படுத்துவதில் பலருக்கு சிக்கல் இருக்கிறது. நம்மைப் போன்று தான் கணினியும். அதை முறையாகப் பயன்படுத்தக் கற்றுக்கொண்டுவிட்டால், இடையில் ஏதேனும் பிரச்னை என்றாலும் மிகச் சுலபமாக அதை எதிர்கொண்டுவிடலாம்.

how to maintain a computer

கணினியில் நாம் மேற்கொள்ள வேண்டிய நல்ல பழக்கங்கள்

1. ரீஸ்டார்ட் அவசியம்:


தொடர்ந்து பல மணி நேரங்கள் பயன்படுத்திக் கொண்டிருக்கும் நிலையில், குறிப்பிட்ட நேரத்திற்கு ஒரு முறை "ரீஸ்டார்ட்" செய்திட வேண்டும். இதனால் கம்ப்யூட்டர் "ரெப்ரஸ்" ஆகி புத்துணர்வுடன் செயல்படும்.

2. பேக்கப் - ரொம்ப முக்கியம்


பெரும்பாலானவர்கள் நம் கணினிதானே என்ற அசட்டையில் "பேக்கப்" எடுக்காமல் விட்டுவிடுகின்றனர். நன்றாக இயங்கிக் கொண்டிருந்தாலும், கணினியில் உள்ள முக்கியமான கோப்புகளை பென்டிரைவ், DVD, Memory Card, External Hard Disk போன்ற ஏதேனும் சேமிப்பகங்களில் அவ்வப்பொழுது "பேக்கப்"எடுத்து வைப்பது நல்லது. எந்த நேரத்திலும் கணினி செயல்படாமல் போகும் ஆபத்து உள்ளதால் இதை கட்டாயம் செய்ய வேண்டும்.

3. இடைவேளை அவசியம்


கண்கெட்ட சூரிய நமஸ்காரம் செய்து பயனில்லை. நமக்கு உடல் ஆரோக்கியம் முக்கியம். எனவேதான் மருத்துவர்கள் கணினி முன்பு அதிக நேரம் உட்கார்ந்து பணிபுரிவது மிக ஆபத்து என எச்சரிக்கின்றனர். தவிர்க்க முடியாமல் தொடர்ந்து பணிபுரிபவர்கள் அரை மணி நேரத்திற்கு ஒரு  முறையாவது எழுந்து சென்று உடல் பொசிசனை மாற்றுவது அவசியம்.

4. பாஸ்வேர்ட் 


ஆரம்ப நாட்களிலிருந்து பல வருடங்களாக பாஸ்வேர்ட் மாற்றாமல் பயன்படுத்துபவர்கள் இன்றும் இருக்கின்றனர். இன்றைய காலகட்டத்தில் பாஸ்வேர்ட் மாற்றினால் கூட கம்ப்யூட்டரை Hack செய்து கண்டுபிடித்துவிடுகின்றனர். எனவே அடிக்கடி பாஸ்வேர்ட் மாற்றுவது மிக நல்லது.

5. பல புரோகிராம்கள்


கம்ப்யூட்டரில் ஒரே நேரத்தில் பல புரோகிராம்களை திறந்து வைத்து வேலை செய்திடும்பொழுது கணினிக்கு வேலை பளு கூடுகிறது. இதனால் கம்ப்யூட்டர் வேகம் குறையும்.  தேவையில்லாத புரோகிராம்களை மூடிவிட்டு, தற்பொழுது என்ன தேவையோ அதனை மட்டும் பயன்படுத்தினால் கம்ப்யூட்டர் வேகமாக இயங்கும்.

6. கணினி முன் உணவு


கட்டாயம் கணினி முன்பு அமர்ந்தவாறு உணவு உட்கொள்வதை தவிர்க்க வேண்டும். இன்றைய காலகட்டத்தில் மிகப் பலர் கணினியில் பணிபுரிந்துகொண்டே நொறுக்குத் தீனி, டீ, காபி என கலந்து கட்டுகிறார்கள். அது மிகப்பெரிய கெட்டப்பழக்கம். உணவு எடுக்கும்பொழுது தனி அறையில் அமர்ந்து சாப்பிட முயற்சிக்க வேண்டும். இதனால் தேவையில்லாமல் கீபோர்ட், மௌஸ் போன்ற கருவிகளின் இடுக்குகளில் குப்பைகள் சேருவதை தவிர்ப்பதோடு, உடல் நலத்தினையும் காத்திடலாம்.

7. தகவல் அழிப்பு


தேவையில்லை என நினைக்கும் கம்ப்யூட்டரை விற்பதற்கு முன்பு, அதில் உள்ள தகவல்களை அனைத்தையும் அழித்து விடுங்கள். தகவல்களை அழிப்பதால் பிறர் அதை பயன்படுத்த முடியாமல் தடுக்கப்படுகிறது.

Tags: How use computer, Computer maintenance, Tamil computer tips 

இண்டர்நெட் இல்லாமலேயே க்ரோம் பயன்படுத்தலாம்! எப்படி தெரியுமா?

- Friday, October 12, 2018 No Comments
இண்டர்நெட் இல்லாமல் க்ரோம் பயன்படுத்தும் புதிய முறையை கூகுள் நிறுவனம் அறிமுகம் செய்துள்ளது. இண்டர்நெட் இல்லாத நேரங்களின்போது மக்களுக்கு பயன்தரக் கூடிய வகையில் புதிய வசதியை அறிமுகப்படுத்தியுள்ளது கூகுள் நிறுவனம்.

we can use chrome without internet



தற்போதைய டிஜிட்டல் உலகத்தில் ஸ்மார்ட் போன், இண்டர்நெட் பயன்படுத்தாதவர்களை விரல் விட்டு எண்ணிவிடலாம். மக்களின் வசதிக்கேற்ப பல நிறுவனங்களும், இணையம் மற்றும் போனில் சிறப்பு சலுகைகளைத் தொடர்ந்து வழங்கி வருகிறது.

இதையும் படிக்கலாமே : இன்டர்நெட் வேகம் அதிகரிப்பது எப்படி?

அந்த வகையில், தற்போது கூகுள் நிறுவனம் இந்த வசதியை அறிமுகப்படுத்தி உள்ளது. அதன்படி இண்டர்நெட் பயன்படுத்துவோர், நெட் இல்லாமலேயே க்ரோம் பயன்படுத்தும் முறையை உருவாக்கியுள்ளது.


பயனாளர்கள் தங்களுக்குத் தேவையான செய்தி மற்றும் தகவல்களை இண்டர்நெட், வைஃபை இருக்கும்போது டவுன்லோடு செய்து கொண்டு, அதன் பிறகு ஆஃப்லைனில் அதனைப் பயன்படுத்திக் கொள்ளலாம். இது பயண நேரங்களின்போதும், இண்டர்நெட் இல்லாதபோதும் மிகவும் வசதியாக அமையும்.

அதென்ன ஆன்லைன்? ஆஃப்லைன்?
இணைய இணைப்பு இல்லாதபோது கம்ப்யூட்டரில் பணிபுரிவதை ஆப்லைன் என்றும், இணைய இணைப்பை ஏற்படுத்தி, அதனூடே பணிபுரிவது ஆன்லைன் எனவும் வழங்கப்பெறுகிறது.

இதை பயன்படுத்திக் கொள்பவர்கள், தங்களுக்கு விருப்பமான செய்திகளை முதலில் தேர்வு செய்ய வேண்டும். பின்னர் பயனர் இருக்கும் இடம் மற்றும்
விருப்பங்கள், செய்திகளின் முக்கியத்துவத்தை அறிந்து கூகுளே தானாக டவுன்லோடு செய்து தரும். தற்போது இந்த வசதி நைஜீரியா, பிரோசில், இந்தியா போன்ற 100 நாடுகளில் செயல்படுத்தப்பட உள்ளதாக தெரிகிறது.

மேலும் கூகிள் பற்றிய செய்திகளுக்கு இங்கு கிளிக் செய்யவும்.

source

Tags: Chrome, Google, Internet, Tamil Tech News.

கணினி என்றால் என்ன?

- Monday, September 03, 2018 No Comments
கணினி என்றால் என்ன என்பது புரிந்துகொள்ள முடியாத புதியவர்களுக்கான பதிவு இது. கணினியின் பாகங்கள் மற்றும் அது செயல்படும் விதம் போன்ற அடிப்படைகளை கற்றுக்கொள்ள உதவும். 


கணினி என்பது நாம் தரும் உள்ளீடுகளை (Input) பெற்று அதனை செயல்படுத்தி (process) அதற்கு இணையான வெளியிடுகளை (output) தரும் ஒரு மின்னணு சாதனம் (electronic device) ஆகும்.

COMPUTER

கணினியின் முக்கிய பாகங்கள் (computer peripherals)



  • உள்ளீட்டு கருவி (input device) 
  • மைய செயல்பாட்டு பகுதி (central processing unit)
  • நினைவகம் (ram)
  • வெளியீட்டு கருவி (output device)
  • உள்ளீட்டு கருவி (input device)



உள்ளீட்டு கருவி (input device) என்பது நாம் கணினிக்கு உள்ளீடு தர பயன்படுத்தும் ஒரு சாதனம் ஆகும்.

உதாரணமாக விசை பலகை (keyboard), சுட்டெலி (mouse) போன்றவை உள்ளீட்டு கருவி ஆகும்

வெளியீட்டு கருவி (output device)

வெளியீட்டு கருவி (output device) என்பது கணினி நமக்கு வெளியீடு தர பயன்படுத்தும் ஒரு சாதனம் ஆகும்.

உதாரணம்: ஒளித்திரை (monitor), பதிவேடுக்கும் கருவி (printer) போன்றவை வெளியீடு கருவி (output device) ஆகும்

மைய செயல்பாட்டு பகுதி Cpu (central processing unit)


CPU என்பது நாம் தரும் உள்ளீடுகளை பெற்று அதனை செயல்படுத்தி நமக்கு வெளியீடாக தரும் ஒரு சாதனம் ஆகும். இதில் பல பாகங்கள் உள்ளன. இதன் முக்கிய பகமானது MOTHER BOARD, SMPS மற்றும் நினைவகம் (HARD DISK) ஆகும்.

Mother board

இது கணினிக்கு தாய் போன்றது. எனவே தான் இதற்கு mother board என்று பெயர் வந்தது. Processor, ram மற்ற பாகங்கள் அனைத்தும் இதனுடன் இணைக்கப்பட்டு இருக்கும். அனைத்து பாகங்களும் இதனில் இணைப்பட்டுள்ளதால் இதை Mother Board என அழைக்கின்றனர்.

Processor


அனைத்து விதமான செயல்பாடுகளும் இங்குதான் பரிசீலிக்கப்பட்டு செயல்படுத்தப்படுகின்றன. இதன் வேகமானது ஜிகா ஹெட்ஸ் – ல் குறிக்கப்படுகிறது

Ram(random access memory)


 இது ஒரு நினைவகம் ஆகும். ஆனால் இதை பயனாளர் (user) நேரடியாக பயன்படுத்த முடியாது. இந்த நிணவகத்தை பிராசசர் (processor) மட்டுமே பயன்படுத்தும். நாம் தரும் உள்ளீடுகளானது ram க்கு செல்கிறது. அதனை பிராசசர் எடுத்து பயன்படுதுகிறது.. இதன் அளவு (size) ஜிகா பைட் (GB) – ஆல் குறிக்கபடுகிறது.

நினைவகம் (hard disk)


நினைவகம் (hard disk) என்பது நம்முடய டேட்டா (data) – வை பதிந்து வைத்து தேவையானபோது உபயோகபடுத்திக்கொள்ளும் ஒரு கருவி ஆகும். நம் data-வை பதிந்து வைக்க hard disk மட்டும் தான் உள்ளது என்றல்ல. Pen drive, flash drive, DVD, CD போன்றவை கூட storage device தான்.

Operating system


அடுத்து ஒரு கணினி செயல்பட தேவையாவன முக்கிய அம்சம் operating system ஆகும். இது கணினியின் இதயம் போன்றது. இது கணினியின் அனைத்து செயல்பாடுகளும் சரியான முறையில் இயங்க வழி செய்கிறது. இது பயனாளருக்கும் கணினிக்கும் ஒரு guide போல் செயல்படுகிறது. இதில் பல வகைகள் உள்ளன. Windows, Dos, Linux, UNIX போன்றவை பிரபலமான OS ஆகும்.

கணினி என்பது எண் முதலான தரவுகளை உட்கொண்டு, முறைப்படி கோத்த ஆணைக் கோவைகளைச் செயற்படுத்தும் ஒரு கருவி. ஒரு பணியைச் செய்ய, அதனைப் பல கூறாகப் பகுத்து, எதன் பின் எதனைச் செய்ய வேண்டும் என்று எண்ணி, கணினியுள் இடுவதற்காகத் தொகுக்கப்பட்ட ஆணைக் கோவை அல்லது கட்டளைக் கோவையானது, செய்நிரல் எனப்படும்.

கணினியில் இப்படி செய்நிரல்களைச் சேமித்து வைத்து பணி செய்ய இயக்குவது தனிச் சிறப்பாகும். கணினிக்கு உள்ளிடும் தரவுகள் எவ்வடிவில் இருந்தாலும் (ஒலி, ஒளி, அழுத்தம் முதலியன) அவை கணினியின் இயக்கத்துக்கு அடிப்படையான 0, 1 ஆகிய எண் கோர்வைகளாக மாற்றப்பட்டே உட்கொள்ளப் படுகின்றன.

கணினிகள் அதியுச்ச பல்பயன் கொண்டவை. ஆதலால் அவற்றை அகில தகவல் செயற்படுத்தும் எந்திரங்கள் எனக் குறிப்பிடலாம். சேர்ச்-தெரிங் கூற்றின் படி ஒரு குறிப்பிட்ட இழிவுநிலை ஆற்றலை (வேறு வகையில் கூறினால் அகில தெரிங் எந்திரத்தை போன்மிக்ககூடிய எந்த கணினியும்) கொண்ட கணினி, கோட்பாட்டின் அடிப்படையில் வேறு எந்த கணினியினதும் கொள்பணியை ஆற்றக் கூடியது, அதாவது தனியாள் உதவியாளத்தில் இருந்து மீக்கணினி வரையுள்ள எந்த கணினியினதும்.

ஆகவே சம்பளப்பட்டியல் தயாரிப்பதிலிருந்து தொழிலக-யந்திரனை கட்டுப்படுத்தல் வரையான அனேக கொள்பணிகளுக்கு ஒரேவிதமான கணினி வடிவமைப்புகளே பயன்படுத்தப் படுகின்றன.

முந்தைய வடிவமைப்புகளை விட தற்போதைய கணினிகள் வேகத்திலும் தகவல் செயற்படுத்தல் கொள்ளளவிலும் பெரும் வளர்ச்சியை கண்டுள்ளன. இவற்றின் இந்த திறன் காலப்போக்கில் அடுக்குறிபோக்கில் அதிகரித்து சென்றுள்ளது. இந்த செயற்பாட்டை மூர் விதி என்று குறிப்பிடுவர்.

பல்வேறான பௌதீக பொதிகளில் கணினிகள் கிடைக்கின்றன. தொன்மையான கணினிகள் பெரிய அரங்கின் கொள்ளளவை கொண்டவையாக இருந்தன.
what is computer in tamil

தற்போதும் விசேட அறிவியல் கணிப்புகளுக்கு பயன்படும் மீக்கணினிகள் மற்றும் நிறுவனங்களின் பரிமாற்ற செயற்பாடுகளுக்கு பயன்படும் பிரதான-சட்டங்கள் போன்றவற்றுக்கு இவ்வாறான மாபெரும் கணிப்பிடும் வசதிகள் உள்ளன.

மக்களுக்கு அதிகம் பரிச்சையமானவையாக அமைவன சிறியளவானதும் ஒருத்தரின் பயன்பாட்டுக்குரியதுமான தனியாள் கணினிகளும், அதன் கொண்டுசெல் நிகரான ஏட்டுக்கணினிகளும் ஆகும். ஆனால் தற்காலத்தில் அதிகளவில் பயன்பாட்டில் உள்ள கணினிகளாக அமைபவை உட்பொதிக்கணினிகளாகும்.

உட்பொதிக்கணினிகள் இன்னொரு சாதனத்தை கட்டுப்படுத்துவதற்குரிய சிறிய கணினிகள் ஆகும். இவை சண்டை விமானங்களில் இருந்து இலக்கமுறை படப்பிடிப்பு கருவிகள் வரை பயன்படுத்தப் படுகின்றன.

Tags:what is computer, Tamil computer

குரோம் பிரௌசர் ஸ்லோவா இருக்கா? இதோ உடனடி தீர்வு !

- Wednesday, August 22, 2018 No Comments
உங்களுடைய கூகிள் குரோம் பிரௌசர் ஸ்லோவாக இருக்கிறதா? அதற்கான தீர்வு என்னிடம் உள்ளது. அதற்கு முன்பு என்னுடைய கதையை கொஞ்சம் கேளுங்கள்.

solution for slow google chrome


நான் என்னுடைய கம்ப்யூட்டர் அதிக வேகமாக செயல்பட வேண்டி, அதில் i5 Processor, 4GB RAM போன்றவற்றை பயன்படுத்தி வருகின்றேன். மூன்று வருட காலமாக நன்றாக இயங்கி கொண்டிருக்கிறது. கம்ப்யூட்டரில் எந்த ஒரு பிரச்னையும் இல்லை. வேகம் மின்னல் போல தெறிக்கும்.

ஆனால் குறிப்பிட்ட சில நாட்களாக கூகிள் குரோம் பிரௌசர் மிக மெதுவாக தொடங்குவதும், மெதுவாக இயங்குவதுமாக இருக்கிறது.

அதில் அளவுக்கு அதிகமாக இருந்த Extension களையும் நீக்கிப் பார்த்துவிட்டேன். ஆனாலும் வேகம் அதிகரித்தாக தெரியவில்லை. எனக்கு வருத்தம், குழப்பம் எல்லாம் ஒருங்கே இருந்தது.

ஃபயர்பாக்ஸ் பிரௌசர் பயன்படுத்திப் பார்த்தபோது வேகம் நன்றாக இருந்தது. அப்பொழுது நிச்சயமாக உணர்ந்தேன். கூகிள் குரோம் பிரௌசரில் தான் பிரச்னை இருக்கிறதென்று.

இந்நிலையில் தான் அருமையான தீர்வு ஒன்று கிடைத்தது.

அது மிக சுலபமானதுதான்.

கூகிள் குரோம் பிரௌசர் வேகமாக செயல்பட தீர்வு: 

கூகிள் குரோம் பிரௌசரில் Settings கிளிக் செய்யவும்.
பிறகு அந்த பக்கத்தில் இறுதியில்  இருக்கும் Advanced கிளிக் செய்யவும்.
கீழ்விரியும் பக்கத்தில் ஸ்கோரல் செய்து System ஆப்சனில் Use hardware acceleration when available என்பதை OFF செய்யவும்.


பிறகு கூகிள் பிரௌசரை மூடி திறக்கவும். (Close and Start) அவ்வளவுதான்.

மறுமுறை பிரௌசரை ஓப்பன் செய்யும்பொழுது, அதிவேகமாக பிரௌசர் திறப்பதை காணலாம்.

இந்த செட்டிங்ஸ் எனக்கு 100% வேலை செய்த து. உங்களுக்கு எப்படி என்று கமெண்ட் செய்யுங்கள். மேலும் கூகிள் குரோம் பிரௌசர் வேகமாக செயல்பட உங்களுக்குத் தெரிந்த யோசனைகளையும் இங்கு கருத்துகளாக பதிவு செய்யலாம்.

Tags: Google Chrome, Slow Google Chrome, Fix Chrome Speed. 

தேவையற்ற அழைப்புகளை தடுக்க உதவும் ஆன்ட்ராய்ட் ஆப்

- Friday, August 17, 2018 No Comments
தொல்லை தரும் விளம்பர அழைப்புகளை தடுப்பதறகென கூகிள் புதிய அப்ளிகேஷன் ஒன்றினை வெளியிட்டுள்ளது. "போன்" என்ற அந்த அப்ளிகேஷன் உங்களுக்கு வரும் "SPAM" அழைப்புகளை ஃபில்டர் செய்து தடுக்கும் வசதியை கொண்டுள்ளது.

thevaiyatra alaipugalai thidukka

இதற்கு முன்பு பீட்டா வர்சனில் சோதிக்கப்பட்ட இந்த செயலி தற்பொழுது பயனர்களின் பயன்பாட்டுக்கு கொண்டு வரப்பட்டுள்ளது. இதற்கு Called ID and Spam Protection என பெயரிடப்பட்டுள்ளது.

இதன் மூலம் தேவையற்ற கால்களை தானாகவே பிரித்து தடுத்து விடலாம்.

இந்த சேவை ஆனில் இருக்கும் போது, ஒரு அழைப்பை உருவாக்கும் போதும், பெறும் போதும் காண்டாக்ட் லிஸ்டில் இல்லாத அழைப்பாளர்கள் அல்லது தொழில் சார்ந்த அழைப்புகள் குறித்து அறிந்து கொள்ளலாம்.

 இதுகுறித்து எச்சரிக்கை தகவல் நமக்கு கிடைக்கும். இதனை ஆக்டிவேட் செய்ய 3 வழிமுறைகளைப் பின்பற்ற வேண்டும்.

செட்டிங்ஸ் சென்று, ’காலர் ஐடி மற்றும் ஸ்பாம்’ சேவையை ஆன் செய்ய வேண்டும். தேவையற்ற அழைப்புகள் வராமல் இருக்க பில்டரில் ஸ்பாம் கால்களை ஆன் செய்திருந்தால் போதும்.

இது தனி நபரின் தேவைக்கு ஏற்ப மாற்றிக் கொள்ளலாம். தற்போது தேவையற்ற அழைப்புகளை எச்சரிக்கும் வகையில், ‘போன்’ ஆப்பின் முகப்பு பக்கம் சிவப்பு நிறத்தில் மாறுகிறது.

இருப்பினும் முழுமையாக செயல்பாட்டிற்கு வராததால், இதன் செயல்பாடு மற்றும் திறன் குறித்து தெரியவில்லை.

கீபோர்டை மௌஸ் போல மாற்றிட

- Monday, August 06, 2018 No Comments
கம்ப்யூட்டரில் சில நேரங்களில் சுட்டி (MOUSE) சரியாக வேலை செய்யாமல் செயலிழந்துவிடும். அதுபோன்ற சமயங்களில் கீபோர்டை மௌஸ் ஆக பயன்படுத்த முடியும். அதற்கான வழிமுறைகளைத் தெரிந்துகொள்வோம்.

how to use keyboard as mouse

எப்படி கீபோர்டை மௌஸாக பயன்படுத்துவது?


1. விண்டோஸ் கம்ப்யூட்டரில் ஸ்டார்ட் பட்டனை அழுத்தி, கண்ட்ரோல் பேனல் சென்று, Ease of Access ல் இடம் பெற்றுள்ள வசதியைப் பயன்படுத்தி கீபோர்டை மிக எளிதாக மௌஸ் பாயிண்டராகப் பயன்படுத்த முடியும்.

செயல்முறை:

1. Start ==> Control Pannel ==> Ease of Access என்ற வழியில் செல்லவும்.
2. அதில் Change How Your Mouse Works என்பதினை கிளிக் செய்யவும்.
3. Turn on Mouse Keys என்பதில் டிக் மார்க் ஏற்படுத்திடவும்.
4. Apply & Ok கொடுத்து வெளியேறவும்.


இனி, உங்கள் கீபோர்டில் உள்ள Numeric Keyboard மௌசாக மாறிவிடும்.

numeric keyboard


அதில்,

மௌஸ் பாயிண்டரை மேல் மற்றும் இடது புறமாக நகர்த்திச் சென்றிட எண் 7 விசை பயன்படுகிறது.
மேலே நகர்த்திச் சென்றிட எண் 8 விசை துணைபுரிகிறது.
மேல் மற்றும் வலது புறமாக நகர்த்திட 9
கீழுள்ள படம் மிகத் தெளிவாக "மௌஸ் பாயிண்டரை நகர்த்திட உதவும் விசைகளை குறிப்பிட்டுக் காட்டுகின்றது.



மௌஸ் பட்டனை தேர்ந்தெடுத்திட உதவும் விசைகள்

ஒரு ஐட்டத்தை நீங்கள் கிளிக் செய்வதற்கு முன்பு எந்த மௌஸ் பட்டன் உங்களுக்கு ஆக்டிவாக இருக்க வேண்டும் என்பதை கீழுள்ள விசைகளின் மூலம் தேர்ந்தெடுத்துக்கொள்ளலாம்.


லெப்ட் பட்டனை தேர்ந்தெடுத்திட (/) ஸ்லாஷ் கீ பயன்படுகிறது.
ரைட் பட்டனை தேர்ந்தெடுத்திட (-) குறி பயன்படுகிறது.
இரண்டையும் மாற்றி மாற்றி பயன்படுத்திட (*) விசை பயன்படுகிறது.

கிளிக் செய்திட உதவும் பட்டன்

ஒரு ஐட்டத்தின் மீது கிளிக் செய்திட 5 என்ற விசை பயன்படுகிறது. கிளிக் செய்யப்பட வேண்டிய ஐட்டத்தின் மீது மௌஸ் பாயிண்டரை நகர்த்திய பிறகு, 5 விசையை அழுத்தினால் அந்த ஐட்டம் கிளிக் செய்யப்படும்.

ரைட் கிளிக் செய்திட 

கிளிக் செய்யப்பட வேண்டிய ஐட்டத்தின் மீது கர்சரை நகர்த்திச் சென்று, (-) குறியை ஒருமுறை அழுத்தி விட்டு (ரைட் மௌஸ் பட்டன் ஆக மாற்றுவதற்கு - குறி பயன்படுகிறது.) பிறகு (+) குறியை அழுத்த ரைட் கிளிக் ஆகிவிடும்.

இவ்வாறு மௌஸ் பட்டனை முதலில் தேர்ந்தெடுத்த பிறகு, அதை கிளிக் செய்திட உதவும் பட்டனுக்கான (/ அல்லது - ) விசையை அழுத்த வேண்டும்.

இந்த முறையில் கம்ப்யூட்டர் கீபோர்டை மௌசாக மாற்றி பயன்படுத்திட முடியும். பயன்படுத்திட சற்று கடினமாக இருப்பினும், மௌஸ் வேலை செய்யாதபொழுது இது ஒரு மாற்று வழியாக இருக்கும்.

மேலும் விரிவாக தெரிந்துகொள்ள இங்கு செல்லவும்.

Tags: Computer Tips, Keyboard as Mouse, Use Mouse Keys to Move the Mouse Pointer

பணம் சம்பாதிக்க ஆக்கப்பூர்வமான 100 வழிகள்

- Wednesday, July 18, 2018 No Comments
பணம் சம்பாதிக்க ஆயிரம் வழிகள் உண்டு. ஆக்கப் பூர்வமாக அவற்றைச் செயல்படுத்திட வேண்டுமெனில் குறிப்பிட்ட எண்ணிக்கையிலான வழிகளைத் தேர்ந்தெடுத்தலே போதுமானது.

பணத்தின் முக்கியத்துவம்


வாழ்க்கையில் அடிப்படைத் தேவைகளைப் பூர்த்தி செய்ய வேண்டுமெனில் அதற்கு நிச்சயம் பணம் தேவை. அந்த பணத்தை எவ்வாறு ஈட்டுவது? என்ன செய்தால் உங்களைத் தேடி உங்களை தேவைகளுக்கு அதிகமாகவே பணம் சம்பாதிக்க முடியும்?

panam sambathikka

இந்தக் கேள்விகளை உங்களை நீங்களே முதலில் கேட்டுக்கொள்ளுங்கள். அந்த கேள்விக்கான விடை என்னவாக இருக்கிறது நினைத்துப் பாருங்கள். உங்களுக்கு குழப்பமாக இருக்கிறதா?

பணம் சம்பாதிக்க யோசனைகள்


சரியான விடைகள் உங்களிடம் இல்லையா? அப்படியென்றால் சுற்றும் முற்றும் பாருங்கள். உங்களைச் சுற்றி என்ன நடக்கிறது என கவனியுங்கள். அன்றாட உங்களது செயல்களை ஊன்று கவனியுங்கள். ஆம். நிச்சயம் உங்களுக்குப் புரிந்திருக்கும்.

உங்களைச் சுற்றி உள்ளவர்கள் அனைவருமே ஏதாவது ஒரு தொழில், வேலை போன்றவற்றைச் செய்து கொண்டிருப்பார்கள். இவற்றிற்கெல்லாம் அடிப்படை மூல காரணம் பணம் சம்பாதிப்பதுதான். அதுதான் அவர்கள் குறிக்கோளாக இருக்கும்.

கீரை விற்கும் கண்ணம்மா முதல் பால் விற்கும் பாலசுப்ரமணி வரை அனைவருமே பணத்தை தேடித்தான் அலைகிறார்கள்.

பணத்தின் அளப்பரிய சக்தி


பணம் பத்தும் செய்யும்.. பணம் பாதாளம் வரை செல்லும்... பணம் இல்லையென்றால் பிணம் என்ற பழமொழிகள் அனைத்துமே பணத்தைப் பற்றிய முக்கியத்துவத்தை பறைசாற்றுபவைகள்தான்.

பணம் எப்படி சம்பாதிப்பது?


பணம் சம்பாதிக்க வேண்டும் என்ற ஆசை இருக்கிறது. ஆனால் எப்படி சம்பாதிப்பது? என்ன செய்வது என்பதில் அதிக குழப்பம் உள்ளது என்று புலம்புபவர்கள் பலர்.

ஆனால் உண்மையில் ஒருவருக்கு பணம் சம்பாதிக்க தெரியாது என்பதெல்லாம் பொய். அதற்கான முயற்சிகளை அவர் எடுக்கவில்லை என்பதுதான் நிதர்சன உண்மை.

உதாரணமாக நீங்கள் வீட்டை விட்டு வெளியில் செல்ல வேண்டும் என்றாலே,  முதலில் காலணி தான் அணிய வேண்டும். அதிலிருந்தே உங்களது தேடலைத் தொடங்கலாம். சாதாரணமாக பார்த்தால் அது ஒரு காலணி. ஆனால் வியாபார, தொழில் ரீதியான கண்ணோட்டத்துடன் அதை அணுகினால் அது ஒரு பணம் தரும் பொருள்.

ஆம். நண்பர்களே.. அந்த காலனியை நீங்கள் முதலில் ஒரு கடைக்காரரிடம் வாங்கியிருப்பீர்கள். அவர் நிச்சயமாக ஒரு செருப்பு கடை வைத்திருப்பார். அதிலிருந்து அவருக்கு வருமானம் கிடைக்கும். அந்த செருப்புகளை ஏதோ ஒரு டீலரிடம் இருந்து அவர் பெற்றிருப்பார்.

அதை மொத்தமாக கொள்முதல் செய்து விற்பனை செய்பவருக்கும் நோக்கம் பணம் சம்பாதிப்பதாக மட்டுமே இருக்கும். அந்த செருப்பை தயாரித்த நிறுவனத்திற்கும் அதுவே முழு முதற் காரணமாக இருந்திருக்கும்.

அதைத் தயாரிக்க உதவிய இயந்திரங்களும், அதைத் தயாரித்தவர்களுக்கும் அப்படியே. செருப்பு தயாரிக்க உதவிய மூலப் பொருட்கள் அனைத்துமே ஏதோ ஒரு வகையில் "பணம் சம்பாதிப்பதை" அடிப்படையாகக் கொண்டுதான் இருக்கும்.

இப்படி சாதாரண காலணியில் கூட இத்தனை ஆயிரம் விஷயங்கள் உண்டு. அன்றாடம் நாம் பயன்படுத்தும் "அழகு சாதனப்பொருட்கள்" கூட அப்படித்தான்.

வீட்டு உபோயகப் பொருட்கள் முதற்கொண்டு, நாம் அன்றாடம் உண்ணும் உணவுப்பொருட்கள் வரை பணம் சம்பாதிப்பதை நோக்கமாக கொண்டே தயாரித்து/உருவாக்கப்பட்டு விற்கப்படுகிறது.

இவ்வாறு உங்களைச் சுற்றியே உங்களுக்கான பணம் ஈட்டும் வழிகள் 1000 உண்டு. அவற்றில் உங்களுக்குப் பிடித்தமான, உங்களால் செய்ய முடிந்த வியாபாரத்தை, தொழிலை நீங்கள் ஆரம்பிக்கலாம்.

தொழில் ஆரம்பிப்பது என்றால் அதற்கான முதலீடு, மூலதனம் வேண்டும் அது வேண்டும் இது வேண்டும் என்று யோசித்து, அதை கைவிடுபவர்கள் வாழ்க்கையில் என்றுமே முன்னேற்றப்பாதையில் செல்ல முடியாது.

தடைகள் அனத்தையும் உள்வாங்கி, அதை எதிர்கொள்ளும் சக்தி படைத்தவர்களால் மட்டுமே தொழில் தொடங்க முடியும். எடுத்த எடுப்பிலேயே "எதிர்மறை சிந்தனை" நிச்சயம் அந்த செயல் முடிக்க உதவாது.

தொழில் தொடங்க சுய ஆய்வு செய்திடுங்கள்:


ஒரு தொழில் தொடங்க வேண்டுமென்றால் அதைப்பற்றிய அறிவு, அனுபவம் நிச்சயம் வேண்டும். அதைப் பெற்றிட முதலில் முயலுங்கள். எந்த ஒரு தொழிலும் இலாபகரமானதுதான். அதை நாம் எப்படி செய்கிறோம், எப்படி அணுகுகிறோம் என்பதில்தான் "சூட்சுமம்" அடங்கியுள்ளது.

நம் வீட்டிற்கு வரும் கீரை விற்கும் ஆயா, தனது வருமானத்தை பெருக்கிட செய்யும் வழிமுறை கூட ஒரு நல்ல உதாரணம்தான். 5 ரூபாய்க்கு கிடைக்கும் கீரையை வாங்கி, நம் இல்லம் வந்து அங்கு 10 ரூபாய்க்கு விற்கிறாள். 5 ரூபாய் இலாபம். பத்து வீடுகளில் விற்றால் 50 ரூபாய். 20 கற்றை கீரை விற்று முடித்தால் நிகர லாபகம் ரூபாய் 100.

ஒரு நாளைக்கு 100 ரூபாய் வருமானத்தை தன்னுடைய 100 ரூபாய் மூலதனத்தின் மூலம் பெற்றுவிடுகிறாள். ஆக, செய்யும் தொழில் எதுவாக இருப்பினும், அது தரமானதா, பயன்மிக்கதா, அதிலிருந்து நல்ல வருமானம் கிடைக்குமா என்றுதான் கணக்கிட வேண்டுமே தவிர, அது செய்தால் இப்படி ஆகிவிடும்,இது செய்தால் அப்படி ஆகிவிடும்..

அவன் தொழில் செய்து நசிந்துவிட்டான். இவன் கடன்காரன் ஆகிவிட்டான் என்ற எதிர்மறை எண்ணங்களை வளர விட்டால் ஆபத்துதான். துவகத்திலேயே அதுபோன்ற எண்ணங்களை விட்டு, அந்தந்த பகுதியில் என்னென்ன தேவைகள் இருக்கிறது? போட்டிகள் குறைவாக இருக்கிறது என ஆய்ந்தறிந்து, அதற்கேற்ற வகையில் தொழில் அமைத்து, அதை விரும்பிச் செய்தால் கண்டிப்பாக தொழிலில் வெற்றி பெறலாம்.

பணம் சம்பாதிக்க ஆக்கப்பூர்வமான 100 வழிகள் என தலைப்பிட்டுவிட்டு கதை கதையாக எழுதுகிறீர்களே என உங்களுக்கு நினைக்கத் தோன்றும்.

100 வழிகளை 100 தலைப்பிட்டு எழுதிவிடலாம். அதற்கு சிறிய விளக்கமும் கொடுத்துவிடலாம். அது போன்று எழுதுவதில் எனக்கு உடன்பாடில்லை. அப்படி எழுதினால் அது ஒரு பாட புத்தகம் மாதிரி (தியரி) ஆகிவிடும். பாடம் படித்து விடுவதினால் மட்டுமே ஒருவர் வாழ்க்கையில், தொழிலில் வெற்றி பெற முடியுமா என்றால் 100% இல்லை என்றுதான் சொல்ல முடியும்.

தொழில் வெற்றி ரகசியம்


செயல்படுவதில்தான் அனைத்துமே அடங்கியிருக்கிறது. அதில்தான் தொழிலின் நிரந்தர வெற்றி அடங்கியிருக்கிறது.

உங்கள் தெருவில், நகரத்தில் கூட நீங்கள் நிறைய கடைகளை பார்த்திருப்பீர்கள். ஒரு சிலர் புதியதாக தொடங்கி சில மாதங்களில் கடையை மூடிவிடுவார்கள். ஒருவர் அந்த தொழிலில் அதிகம் சம்பாதிக்கிறார் நாமும் அதைப் போலவே செய்து சம்பாதித்து விட வேண்டும் என்ற போட்டியில் கடை வைத்தால், உண்மையில் ஒரு சில மாதங்களில் காணாமல்தான் போவார்கள்.

அந்த தொழில் எப்படி செய்வது? என்ன செய்தால் "வாடிக்கையாளர்"களை கவரலாம் என்பன போன்ற சுவாரஷ்யமிக்க தொழில்நுட்பம்/சாதுர்யம் தெரிந்து வைத்திருக்க வேண்டும். எப்படி பொருள் கொடுத்தால் வாடிக்கையாளர்களை கவர முடியும் என்ற நேர்த்தி தெரிந்து வைத்திருக்க வேண்டும். அதை வாடிக்கையாளர்களிடம் காட்ட வேண்டும்.

கடின உழைப்பு, அதிக பொறுமை இரண்டுமே தொழிலில் வெற்றிப் பெறுவதற்கான இருவழிகள்.

எனக்கு பிசினஸ் செய்ய ஆசை? யாருமே சப்போர்ட் செய்ய மாட்டேன் என்கிறார்கள். 

இப்படி சொல்பவர்களை முட்டாள் என்று கூட சொல்லலாம். உனக்கு யாருமே வழிகாட்டவில்லை, உதவவில்லை என்றால், உனக்கான வழிகளை நீயே அமைத்துக்கொள். தேடிக்கொள். அப்படி இருந்தால்தான் எவரையும் எதிர்பார்க்காமல் உன்னால் சொந்தக் காலில் நிற்க முடியும்.

சாதாரணமாக கண்ணுக்குத் தட்டுப்படும் ஒரு தென்னங்கீற்றைக் கூட , லாவகமாக பின்னி, கீற்றாக்கி விற்க முடியும். நாலு தென்னை மட்டைகளிலிருந்து பிரித்தெடுக்கப்படும் குச்சிகள் ஒரு துடைப்பமாக உருவாகிறது. இன்று நகரங்களில் ஒரு துடைப்பத்தின் விலை  50 முதல் 100 ரூபாய் வரை விற்கப்படுகிறது.

கண்ணில் காண்பவை அனைத்துமே உங்களுக்கு வருமானத்தை தரக்கூடிய வாய்ப்புகளைக் கொடுக்கக்கூடியவைதான். தேவை ஆக்கப்பூர்வான சிந்தனை. அவ்வளவுதான்.

ஹா..ஹா... இதென்னா பணம் சம்பாதிக்க வழிகள் சொல்றேன்னுட்டு 100 க்கும், 50க்கும் சம்பாதிக்கிற பாட்டி கதைகள் சொல்றீங்களேன்னு உங்களுக்கு சிரிப்பாக இருக்கலாம்.

என் பாட்டி அடிக்கடி சொல்வது போல, ஒவ்வொன்னாதான் நூறாகும், ஒட்டுக்கா நூறாகாது. 100 என்பது துவக்கத்திலேயே வந்துவிடாது. ஒன்று, இரண்டு என ஆரம்பித்து 99 முடிந்த பிறகு 100 என்ற இலக்கம் வரும்.

அதுபோலதான், படிப்படியான முன்னேற்றம் தான் சரியானதாக இருக்கும். எடுத்தோம் கவிழ்த்தோம் என பல லட்சங்கள் முதலீட்டில் அனுபவமில்லாமல் குதித்துவிட்டு, பணத்தை வியாபாரத்தில் தொலைத்துவிட்டு, பிறகு வருந்துவதால் பயனேதும் இல்லை.

எந்த ஒன்றுக்குமே துவக்கப்புள்ளி உண்டு. அது சுழியத்தில்தான் தொடங்கும். அது முடியும்போது, அதன் மதிப்பு எண்ணிலடங்காது தொடர்ந்து கொண்டே இருக்கும்.

துவழக்கூடாது

என்ன இது? எதிர்பார்ப்புக்கு மாறாக நடக்கிறதே? ஒரு நாளைக்கு பத்து துடைப்பம் விற்பது இலக்கு. ஆனால் ஒன்று கூட விற்காமல் இன்று நாள் கடந்து விட்டதே என்று வருத்தப்படக்கூடாது. இந்த இடத்தில்தான் வாடிக்கையாளர்களின் மனதை படிக்க வேண்டும். வியாபார யுக்தியை செயல்படுத்த வேண்டும். உங்களிடம் பொருள் இருப்பதை அவர்கள் பார்வைக்கு வைக்க வேண்டும். அதனுடைய தரத்தை எடுத்தியம்ப வேண்டும். பொருளுக்கு தேவை இருக்கும்போது வாடிக்கையாளர்கள் கட்டாயம் வந்தே தீருவார்கள். இங்கு போனால், இந்த பொருள் இவ்வளவு தரத்தில் கிடைக்கும் என்பதை அவர்களின் மனதில் ஆழ பதியவிட்டால் போதும். உங்களுக்கு அவர்கள் மூலம் இலவச விளம்பரம் கிடைத்துவிடும்.

விற்பனை இல்லையென துவழாமல், அன்றைய தினத்தை மறந்துவிட்டு, அடுத்த தினத்தில் நடக்கப் போவற்றை நின்று கவனிக்க வேண்டும். மனதளவில் துவழந்து வாடினால், நீங்கள் துடைப்பம் பிசினஸ் செய்யக்கூட தகுதியற்றவர்.

எனக்குத் தெரிந்த பணம் சம்பாதிக்க 100 ஆக்கப்பூர்வான வழிகள் என்னென்ன என்பதை இனிவரும் கட்டுரைத் தொடர்ச்சியில் காணலாம். அதுவரைக்கும் ஒன்றுக்கு 100 முறை இந்த கட்டுரையை வாசியுங்கள். கட்டுரையை வாசிக்கும்போதே உங்களுக்கு ஏதேனும் வழிகள் பிடிபடலாம். அப்படி என்ன யோசனைகள் உங்களுக்கு இருக்கிறது? என்ன தொழில் செய்தால்  நல்ல  இலாபம் பார்க்கலாம் என்ற உங்களுடைய கருத்தினை இங்கு மறக்காமல் பகிருங்கள். இக்கட்டுரை பிடித்திருந்தால் ஃபேஸ்புக், கூகிள் ப்ளஸ், ட்விட்டர்  பகிர்ந்து கொள்ளுங்கள்..!

Tags: தொழில்தொடங்க, தொழில்வாய்ப்பு, தொழில் வழிகாட்டி.

சாப்ட்வேர் துறையில் அதிக பணம் சம்பாதிக்க அற்புதமான வழி

- Wednesday, July 04, 2018 No Comments
சாப்ட்வர் படித்து, அதிக சம்பளத்தில் வேலை செய்ய வேண்டும் என கனவு காண்பவர்களா நீங்கள்? அப்படி என்றால் இந்தக் கட்டுரை உங்களுக்குத்தான்.

சாப்ட்வேர் துறையில் எதை தேர்ந்தெடுத்துப் படிப்பது? எதைப் படித்தால் தற்போதைய சூழ்நிலையில் அதிக பணம் ஈட்ட முடியும் என்ற சூட்சுமம் தெரிந்துவிட்டால் உங்களை வெல்ல யாராலுமே முடியாது. நீங்கள் தான் அதில் ராஜா.



தற்பொழுது இணையத்தில் பணம் சம்பாதிப்பது குறித்த தேடல்களில் Bitcoin, Cryptocurruncy வார்த்தைகள் அதிகம் அடிபட்டுக் கொண்டிருக்கிறது. உங்களுக்கும் அதைப்பற்றி தெரிந்திருக்கலாம். ஆனால் BlockChain பற்றி தெரியுமா?

நிச்சயமாக தெரிந்திருக்க வாய்ப்புகள் குறைவு.  அனைத்து கிரிப்டோகரன்சி இந்த தொழில்நுட்ப அடிப்படையில்தான் இயங்குகின்றன.

Blockchain தொழில்நுட்பம் - ஒரு சிறிய விளக்கம். 


ஒரு தகவலை ப்ளாக்செயின் தொழில்நுட்பம் மூலம் சேமித்து வைக்கப்படும்பொழுது அந்த தகவலை அழிக்கவோ, மாற்றவோ முடியாது. இவ்வாறு சேமிக்கப்படும் தகவலானது உலகில் உள்ள அனைத்து சர்வர்களிலும் சேமிக்கப்பட்டுவிடும். இவ்வாறு அனைத்து இடங்ளிலும் தகவல் சேமிக்கப்படுவதால் இதை யாராலும் அழிக்கவோ, மாற்றவோ இயலாது.

ஒரு சர்வர் அல்லது ஒரு இடத்தை சார்ந்து அந்த தகவல் இருப்பதில்லை. எனவே ஒரு சர்வர் செயலிழந்தால் கூட வேறு ஒரு சர்வர் மூலம் அனைத்து தகவல்களையும் மீட்டுப் பெற முடியும்.

ப்ளாக்செயின்/Blockchain தொழில்நுட்பத்தின் பயன்கள்
இத்தொழில்நுட்பத்தின் மூலம் பல வித மோசடி சம்பவங்களை தடுக்க முடியும். எடுத்துக்காட்டாக போலி பத்திரப்பதிவு, போலி கல்லூரி சான்றிதழ்கள் போன்ற முறைகேடுகளை முற்றிலும் தடுக்க முடியும். அனைத்து துறைகளிலும் இத்தொழில்நுட்பத்தின் பயன்பாடுகள் நாளுக்குநாள் அதிகரித்துக்கொண்டு வருகிறது.

நம் அண்டை மாநிலமான ஆந்திர இத்தொழில்நுட்பத்தின் மூலம் பத்திரப்பதிவு முறைகளை மேற்கொள்ள விருப்பதாக அறிவித்துள்ளது.

BlockChain வேலைவாய்ப்புகள்


நாளுக்கு நாள் வளர்ந்து ப்ளாக்செயின் தொழில்நுட்ப வளர்ச்சியால் இத்துறையில் வேலை வாய்ப்புகள் பெருகி வருகின்றன. சென்னையில் IKAS Technologies என்ற நிறுவனம் இத் தொழில்நுட்ப வல்லுநர்களை உருவாக்கும் முயற்சியில் ஈடுபட்டுள்ளது. இது தொடர்பான ஆலோசனைகளை பெற 7397366771 என்ற எண்ணில் தொடர்புகொள்ளலாம். மேலதிக விபரங்களைப் பெற www.kiastech.com/blockchain/training என்ற இணையதளத்தை அணுகலாம்.

கட்டுரை மூலம்: ஆசியாநெட்நியூஸ்